.... အားလုံးအတွက် မဟုတ်ခဲ့ရင်တောင် တစ်စုံတစ်ရာ တစ်စုံတစ်ယောက်အတွက် နွေးထွေးတဲ့ ကောင်းကင်ငယ်လေး ဖြစ်ပါရစေ ....

Sunday, November 24, 2013

ဆယ်တန်းဖြေဆိုမည့် ကျောင်းသား/သူ ကလေးများအတွက်

ဒီဇင်ဘာထဲဝင်ပြီ။ ဒီတော့ ဆယ်တန်းဖြေဖို့က သုံးလလောက်ပဲလိုတော့တယ်ပေါ့။ ဒီတော့ သိပ်ကိုမှန်းထားတဲ့လူတွေအဖို့ မထောင်းသာပေမယ့် တချို့သားလေးတွေ သမီးလေးတွေအတွက်တော့ မျက်လုံးပြူးလာပြီပေါ့။ ကိုယ်တိုင်မပြူးတောင် မိဘတွေ ဆရာတွေက ပြူးအောင် စညှစ်ပြီလို့ ထင်တယ်။

ဒီတော့ မားးးဆယ်တန်းဖြေတုန်းက အတွေ့အကြုံလေးတချို့ကို လိုအပ်ရင် သုံးလို့ရအောင် ဝေမျှချင်တယ်။ ဆယ်တန်းလို့ ပြောပေမယ့် တကယ်တော့ ဘယ်စာမေးပွဲဖြေဖြေ အရေးတကြီး လုပ်ရမယ့်ဟာလေးတွေပေါ့ကွယ်။ 

ပထမဆုံး Time အချိန်ဘယ်လောက်ကျန်သေးတယ်ကို ချိန်ပါ။ နောက်ရက်ကိုးဆယ်ကျန်သေးတယ်ထားပါတော့ ဒီရက်ကိုးဆယ်ရှိသေးတယ်ဆိုပါစို့ ဒီရက်ကိုးဆယ်ကို ဘယ်လိုအသုံးချမှာလည်းတွေးရတော့မယ်။ အထိရောက်ဆုံး သုံးနိုင်ဖို့ တွေးတော့။ အရင်က ဘာလုပ်ခဲ့လုပ်ခဲ့ ဒီသုံးလလောက်တော့ စိတ်ကိုထိန်းပြီး အကောင်းဆုံးလုပ်ရတော့မှာ။ 

ပထမဆုံးက ကိုယ်သင်ယူပြီးတာ သင်ရိုးတခုလုံးရဲ့ ဘယ်လောက်ပြီးသွားပြီလဲ ? ဘယ်လောက်ကျန်သေးလဲ အရင်ကြည့်ရမယ်။ ဒါမှ ကိုယ်ကျက်ရမှာ ဘယ်လောက်ကျန်ဦးမှာလဲသိမယ်။ ပြီးရင် ဘာသာရပ်တခုချင်းရဲ့ ဆရာ/ဆရာမကို မေးပါ။ ဘယ် chapter တွေက အောင်မှတ်လဲ ? ဘယ် chapter တွေက ဂုဏ်ထူးမှတ်လဲ ? ဒါကို အားမနာတမ်းမေးပါ။ ကိုယ်ကျက်ထားတာ ဘယ်လောက် ရှိနေပြီလဲ စမ်းစစ်ပါ။

ပြီးရင် မေးခွန်းဟောင်းတွေကို လေ့လာပါ။ ဖြေကြည့်ပါ။ ပြောချင်တာက စာရတာတခု။ စာမေးပွဲဖြေတတ်တာတခုပါ။ ဒီတော့ မေးခွန်းကိုဘယ်လိုဖတ်ရတယ်။ ဘယ်လိုမေးခွန်းမျိုးကို အချိန်ဘယ်လောက်ပေးရတယ်ဆိုတာကို ဆရာကို အားမနာတမ်းပြောပြခိုင်းပါ။ ဒီအချိန်က တဘဝလုံးဆိုင်တဲ့အချိန်မှာ ကိုယ့်အားကိုယ်မကိုးရင် နောက်မှ နောင်တရလိမ့်မယ်။ စာကျက်တယ်ဆိုရင် အတို notes လေးတွေ တခါတည်းချရေးထားပါ။ စာမေးပွဲမဖြေခင်မှာ ဒီ notes လေးတွေက ပြန်နွှေးရတာ အရမ်းကိုလွယ်စေလိမ့်မယ်။

ခွေးအရမ်းကြောက်တဲ့လူကို ခွေးလှောင်အိမ်အနားထိတိုးပြီး ကြည့်ခိုင်းရတယ်။ အမှောင်ကြောက်တဲ့လူကိုလည်း အမှောင်ထဲကို ပထမ ခြေတလှမ်း၊ နောက်ခြေနှစ်လှမ်း စလို့ "တဖြည်းဖြည်းချင်း" ရင်းနှီးမှုယူရပါတယ်။ 

ဒီလိုပါပဲ စာမရလို့ confident မရှိဘူးဆိုရင် တစ်ပုဒ်လောက်ကစလို့ ပိုင်ပိုင်နိုင်နိုင် ရအောင် ကျက်ပါ။ တစ်ပုဒ်ကစလို့ တအုပ်လုံး ပိုင်နိုင်သွားပါလိမ့်မယ်။

ပြီးတော့ အပို အလုပ်တွေကိုလျှော့လိုက်ပါ။ Facebook သုံးချင်တယ် ဒါပေမယ့် ဒီသုံးလလောက်ကို စိတ်ထိန်းပြီး လျှော့ပါ။ တနေ့ကို တနာရီသုံးမယ်ဆိုရင် တနာရီသပ်သပ်မှတ်မှတ်ပဲသုံးပါ။ ကျန်းမာရေး ဂရုစိုက်ပါ။ ပြီးတော့ ဘာပဲဖြစ်ဖြစ် အကောင်းဆုံးလုပ်မယ်လို့ စိတ်မွေးထားပါ။

တချို့လည်း မိဘတွေက ဘာဖြစ်မှ ညာဖြစ်မှ ဆေးအမှတ်မှီမှ ဖိအားပေးတာမျိုးကို ပွင့်ပွင့်လင်းလင်းပြောပြီး မပြောခိုင်းပါနဲ့။ စိတ်ထဲမှာ ငါလုပ်နိုင်တာ အားလုံးကို အကောင်းဆုံးကြိုးစားပြီးလုပ်မယ်လို့သာတွေးပါ။ ဒီဆယ်တန်းအောင်သွားရင် ဘာလေးပဲလုပ်ချင်လုပ်ချင် နောက်တဆင့်ရောက်သွားမှာ ဒီတော့ ဒီအချိန်ပိုင်းလေးကို အားပြုလိုက်ပါ။

နောက်ပြီး စာမေးပွဲနီးမှ spot ဆိုတာကို မားးးကတော့ လုံးဝအားမပေးဘူး။ ကိုယ့်အပိုင်နိုင်ဆုံး ဖြစ်အောင်လုပ်ထားတာ အကောင်းဆုံးပါ။ မားးးဖြေတုန်းကတော့ ဘယ် spot ကိုမှ မကြည့်ဘူး အမေ့ကို အားလုံး သိမ်းထားခိုင်းလိုက်တယ်။ အဲ့ဒီ spot တွေက ကွက်တိတိုးမယ်ဆိုရင်တောင် မကြည့်မိလို့ နောင်တမရဘူးဆိုတဲ့ စိတ်မွေးထားတယ်။

မားးး ဖတ်မိတာလေး တခုပါ အောက်မှာ ရေးပေးလိုက်တယ်။ သားတို့ သမီးတို့ တခုခုရသွားမယ်လို့ ထင်ပါတယ် ။

" စိတ်ကူးယဉ် အိမ်မက်တစ်ခုအကောင်အထည်ပေါလာဖို့ဆိုတာ ခိုင်မာပြင်းပြသော သင့်အလိုဆန္ဒများအတိုင်းပင် သင်ဖြစ်ရ၏ အကြောင်းမူ အလိုဆန္ဒရှိသလောက် သင့်၌ ထက်သန်မှုရှိ၏ ထက်သန်မှုရှိသလောက် သင်လုပ်ဆောင်ဖြစ်၏ သင်လုပ်ဆောင်သလောက်ပင် သင့်ဘဝကံကြမ္မာများ ဖန်တီးဖြစ်ပေါရပေသည်။ "

( အောင်မြင်ပါစေ )

မူရင်းပို့စ် facebook မားသံ ဆီမှ ကူးယူဖော်ပြခြင်းဖြစ်သည်။ 

0 မှတ်ချက်: